ಮಾತು


ಆರ್ಟ್ ಆಫ್ ಲಿವಿಂಗ್ ನ basic course ಶಿಬಿರದಲ್ಲಿ ಭಾಗವಹಿಸಲು ಹೋಗಿದ್ದೆ. ಒಂದು ದಿನ ಶಿಬಿರದಲ್ಲಿ, ಗುರುಗಳು ಅತ್ಯಂತ ಆಸಕ್ತಿಕರ ವಿಷಯವೊಂದನ್ನು ಹೇಳುತ್ತಿರುವಾಗ ಹಿಂದಿನ ಸಾಲಿನಿಂದ ಹೆಂಗಸರ ಗುಸು ಗುಸು ಕೇಳಿಸಲು ಶುರುವಾಯಿತು. ಆಗ ನಮ್ಮ ಗುರುಗಳು "ಮಾತೆಯರೇ, ಮಾತು ಕಡಿಮೆ ಮಾಡಿ, ಸ್ವಲ್ಪ ಈ ಕಡೆ ಗಮನ ಕೊಡಿ ಎಂದರು". ಹೇಳುತ್ತಿದ್ದ ವಿಷಯವನ್ನು ಸ್ವಲ್ಪ ಅಲ್ಲಿಗೇ ನಿಲ್ಲಿಸಿ ಮಾತಿನ ಮಹತ್ವದ ಬಗ್ಗೆ ಹೇಳಿದರು. ವಾಕ್ ಶಕ್ತಿಯ ಅಧಿದೇವತೆ ವಾಕ್+ದೇವಿ = ವಾಗ್ದೇವಿಯ ಅಥವಾ ಸರಸ್ವತಿಯ ಆರಾಧನೆ ಮಾಡುವ ವಿಧಾನವೆಂದರೆ ಒಳ್ಳೆಯ ಮಾತನಾಡುವುದು ಎಂದು ಹೇಳಿದರು. ಅದಕ್ಕಾಗಿಯೇ "ಮಾತೇ ಸರಸ್ವತಿ ಮಾತೆ" ಎಂದು ಒತ್ತಿ ಹೇಳಿದರು!